Histori dashurie oficerja austriake shtatzene nga i burgosuri shqiptar

Cifti i (para) pas grilave do të gëzohet gjatë muajit gusht, kur pret të dalë në jetë fëmija i tyre. Ngjarja ka ndodhur në burgun Stein, burgu më i madh  dhe më famëkeq në Austri, aty ku kishte lindur një pëlqim dhe më pas një dashuri e fshehur midis të burgosurit shqiptar Sufian H, 30 vjeç dhe gardianes së burgut, Sandra.O, gjithashtu 30-vjecare, shkruan 'INA'.

Sipas lajmit, që përfshiu të gjitha mediat austriake dhe evropiane, i burgosuri shqiptar që po vuan dënimin prej 8 vitesh për vjedhje të ndryshme, ka lënë shtatzënë gardianen e burgut dhe se tashmë ai po pret fëmijën nga ajo.

Sandra më parë kishte rënë në dashuri me 30-vjeçarin dhe se ajo gjithashtu kishte pranuar se dëshironte një fëmijë me të. Një nga të burgosurit ka theksuar se kishte dëgjuar bisedën midis Sandrës dhe Sufianit mbi marrëdhëniet midis tyre dhe shtatzëninë.

Alarmi për lidhjet e fshehtë dhe shtatzëninë ka shpërthyer përmes një të burgosuri që ka informuar autoritetet e burgut. Por, menjëherë pas kësaj gardiania Sandra ka pranuar para drejtorisë së burgut se ka rënë në dashuri me shqiptarin dhe se sapo ai të përfundojë burgun, ajo do të martohet me të. Autoritetet austriake të drejtësisë menjëherë kanë pezulluar atë nga puna, por avokati i Sandrës ka theksuar se “dashuria nuk njeh kufi, qoftë edhe në burg”.