Trajneri i Skënderbeut Mirel Josa mbetet optimist për fitimin e kampionatit edhe pas humbjes që ekipi i tij pësoi me rezultatin 0-1 ndaj Partizanit.
Josa deklaroi se lojtarët e tij nuk konkretizuan siç duhej para portës kundërshtare. Ai shtoi se finalja do të luhet në Vlorë ndaj Flamurtarit dhe kërkoi nga futbollistët përqendrim maksimal.
"Skuadra duhet të jetë shumë e qetë dhe të mos mendojë për ndeshjen e sotme. Kemi edhe një ndeshje. Është një ndeshje finale dhe duhet të ruhet diferenca e pikëve patjetër",-tha Josa për "Supersport".
Aktualisht, Skënderbeu ndodhet në kuotën e 76 pikëve, i ndjekur nga Partizani i vendit të dytë me 74 pikë.
Kur mbetet edhe një ndeshje për të luajtur, korçarët do të udhëtojnë drejt Vlorës për t'u përballur me Flamurtarin, ndërsa Partizani luan me Teutën.
