Zinedin Zidan trego het diplomat pas hedhjes së shortit të gjysmëfinaleve në Ligën e Kampionëve. Trajneri i Realit të Madridit thotë se Siti nuk është ekip për t'u nënvlerësuar, por pranon faktin se skuadra e tij është gjithmonë favorite në këtë kompeticion.
Përpara ndeshjes me Getafen, francezi kërkoi që ekipi i tij ta ketë vë- mendjen edhe në kampionat sepse fokusimi vetëm në Champions mund të shkaktojë probleme për ëndrrën e madhe të titullit kampion.
Shorti
"Është një gjysmë- finale dhe nuk ka ndeshje të lehta. Na presin dy sfida shumë të vështira dhe gjëja e vetme pozitive nga ky short është fakti që ndeshjen e kthimit do ta luajmë në shtë- pi. Begiristain thotë se Reali është favorit dhe ndoshta ka të drejtë sepse Reali është ekip i madh dhe me histori në këtë kompeticion. Por, Siti është i vështirë dhe duhet të përgatitemi maksimalisht. Nuk jam dakord me faktin që Reali ka gjithmonë rivalë të lehtë, sepse mund ta kujtoni shumë mirë se çfarë na bëri Volfsburgu".
Kampionati
"Nuk e di nëse po i fituam të gjitha ndeshjet mund të shpallemi kampionë në Spanjë. Di që duhet të bëjmë maksimumin deri në fund për t'i provuar shanset tona. Fillimisht, na duhet të parakalojmë Atletikon dhe pastaj të mendojmë për titullin. I druhem faktit që të gjithë e kanë mendjen te shorti i Champions-it, por dua që të jemi të fokusuar te ndeshja e nesërme (sotme) kundër Getafes. Janë një ekip i organizuar shumë mirë dhe dua fitore".
Benzema
"Nuk dua të përfshihem shumë në këtë çështje, por kam kuptuar që lojtari është shumë i mërzitur. Ai dëshiron shumë të luajë në Europian, por nuk mund të jetë. Nuk mund të them nëse vendimi për të është i duhuri apo jo, por ai duhet ta tregojë në fushë që është lojtar shumë i rëndësishëm". Ronaldo- "Ai ka qenë gjithmonë kështu. Ka dhënë maksimumin në çdo ndeshje, pavarësisht faktit se ndonjëherë nuk shënon. Është shumë i lumtur në këto momente dhe ne jemi të lumtur. Ai do të luajë nesër (sot)".
Përgatiti: GENTJAN ALINANI
