Mançester Siti ka zyrtarizuar blerjen e parë të epokës Pep Guardiola, duke finalizuar transferimin e mesfushorit Ilkai Gyndogan nga Borusia Dortmund. 25-vjeçari është larguar nga klubi gjerman ku ka luajtur 157 ndeshje.
Për të siguruar firmën e tij, anglezët shpenzuan 21 milionë paund, edhe pse futbollisti është aktualisht i dëmtuar dhe do të mungojë në Euro 2016.
"Jam shumë i lumtur që kam firmosur për Mançester Sitin. Kur mësova për interesimin e kësaj skuadre, e vendosa të vija këtu dhe gjërat lëvizën me shumë shpejtësi", tha lojtari pas firmës në kontratën katërvjeçare.
"Më ka pëlqyer shumë koha që kam kaluar te Borusia Dortmund dhe do të dëshiroja të falënderoja klubin dhe tifozët për 5 vitet e lumtura që kalova atje", ishte lamtumira e tij ndaj ish-klubit.
