Integrimi merr 82 milione euro por Bregu dhe Duma nuk njihen

Çfarë kanë të përbashkët ministrja e Integrimit Majlinda Bregu dhe zëvendësministrja e Integrimit, Grida Duma? Integrimin, sapo e lexuat… Që “nuk njihen” me njëra-tjetrën, sapo e patë nga kjo foto. Të ulura ngjitur në tryezën për progamin IPA, edhe pse kanë marrë lajmin e gëzueshëm që Bashkimi Europian i ka akorduar Shqipërisë 82 milionë euro, Bregu dhe Duma duket sikur nuk kanë asnjë lidhje institucionale me njëra-tjetrën. Nëpër fotot e ardhura në redaksi nga ky eveniment, ministrja dhe zëvendësministjra, funksionaret më të larta që punojnë për integrimin e Shqipërisë, janë fokusuar kryesisht me “kokën mënjanë”, ose në rastin më të mirë, me sytë mbi broshurat që kanë përpara vetes.

Njëra bionde dhe tjetra brune, dy zonjat e Ministrisë kanë bërë kontrast me look-un e tyre gjatë tryezës, por kontrasti më i fortë ka qenë mungesa e komunikimit të tyre. Për shkak se Duma është emëruar së fundmi në dikasterin e Integrimit, në tetor 2011, mbase nuk ka shumë marëdhënie miqësore me Bregun, e cila është prej vitesh në krye të këtij institucioni. Megjithatë, kur bëhet fjalë për një eveniment për integrimin e Shqipërisë dhe për më tepër, kur arrihet një marrëveshje prej 82 milionësh për vendin, është një arsye e madhe që këto dy zonja të fillojnë të miqësohen. Ose së paku, të pranojnë me një buzëqeshje para aparatit fotografik, në mënyrë që të kuptojmë se njihen!