Ermal Hoxha 39 vjeç, i arrestuar gjatë superoperacionit të policisë në Labinot-Fushë si pjesë e trafikut ndërkombëtar të drogës, është nipi i parë i ish-udhëheqësit komunist Enver Hoxha. Ai është djali i madh i Ilir Hoxhës,fëmijës së parë të çiftit Hoxha, ish-diktatorit Enver Hoxha dhe bashkëshortes së tij, Nexhmije Hoxha Po ashtu Ermal Hoxha është bashkëshorti i një prej këngëtareve të njohura shqiptare, Rezarta Shkurt. Ai është i martuar prej 8 vitesh me këngëtaren Shkurta ku së bashku kanë edhe një fëmijë. Pavarësisht famës së bashkëshortes së tij, Ermal Hoxha ka qenë gjithmonë i rezervuar në daljet publike dhe informacionet rreth jetës së tij janë të pakta.
Ermal Hoxha ka një ngjashmëri të madhe me gjyshin e tij Enver Hoxha, si nga tiparet edhe në gjatësi. Madje ai u përfol në media, e veçanërisht edhe në rrjetet sociale për një ngjashmëri fizike me Lulzim Bashën, aktualisht kreu i Partisë Demokratike Një tjetër çast kur Ermal Hoxha është vënë në vëmendjen mediatike është gjatë "betejës" së hapur mes bashkëshortes së tij dhe këngëtares tjetër të njohur shqiptar Rozana Radi. Konflikti mes tyre përfundoi në gjyq ku Rozana akuzoi se ishte rrahur nha Rezarta Shkurta ndërsa Ermal Hoxha, sipas dëshmisë së saj, i mbante duart e lidhura.
