Ndërkohë që kryeministri Rama ka rihedhur një ide të vjetër për hapjen e dosjeve të sigurimit të shtetit, ndërkohë që dy deputetë të parlamentit shqiptar kanë dorëzuar një projektligj se si mund të bëhet kjo, edhe Blendi Fevziu ka vendosur të trajtojë këtë temë në emision.
Por sfida që ka bërë Fevziu, ka qenë se ai ka sjellë në studion e "Opinion-it" dy dosje origjinale që i përkisnin dikur ish Degës së brendëshme Dibër. Më shumë se debati, akti simbolik i Fevziut, i ka sjellë në vemendje publikut një të vërtetë të madhe: se kur dosiet arrijnë deri në një studio televizive, ato kanë kaluar në duart e të gjithë të pushtetëshme të këtij vendi. Ato mund të jenë zhdukur, manipuluar apo transformuar. Më shumë sesa fjalët e të ftuarve apo shernaja e politikës, ndoshta këto dosie të shpëna në studio, janë shenja më e mirë se sa shterp është debati i sotëm politik.
