Ja si mund ta zbulosh nese dikush te do deri ne vdekje (FOTO)

Ka shumë njerëz që duan të dinë nëse partneri e do deri në vdekje. Por një rus ka përdorur një mënyrë shumë të çuditshme propozimi për martesë për të zbuluar njëkohësisht nëse e dashura e do deri në vdekje. Le të themi se në fakt e ka tronditur atë. Alexey Bykov shpiku vdekjen e tij për të zbuluar dashurinë e vërtetë të së dashurës së tij, Irena.

30 vjeçari nga Omsk punësoi një regjisor, artistë makijazhi, një skenarist, dublantë e aktorë për të improvizuar skenën e një aksidenti rrugor, në mënyrë që kur e dashura e tij të mbërrinte, të zbulonte se ai kishte vdekur. E dashura e tij u trondit shumë dhe tani thotë se do ta vrasë vetë për atë që i punoi.

“Ne kishim lënë që të takoheshim diku, por kur shkova aty kishte shumë makina, ambulanca, tym, një kasaphanë e vërtetë. Kur pashë Alexey të mbuluar në gjak, një mjek më tha se ai kishte vdekur. Shpërtheva në lot. Por më pas ai u ngrit në këmbë dhe më propozoi i mbuluar me gjak fals. Isha aq e shokuar sa doja ta vrisja sërish, po kësaj here seriozisht,” thotë Irena. Për fat të Alexey, ajo e pranoi shakanë dhe tha PO. Çifti është martuar javën e shkuar.

“Doja që ajo të kuptonte se sa bosh është jeta e saj pa mua. Besoj se funksionoi, por premtoj se është hera e fundit,” tha Alexey.