Jeta ne planetin tone mund te kete nisur ne Mars

Jeta në planetin tonë mund të ketë filluar në Mars. Kjo, sipas një hulumtumi të ri që ka bërë kimisti amerikan, Steven Benner dhe që e ka prezantuar të enjten në një konferencë shkencëtarësh në Itali.

Benner ka argumentuar se mineralet që përmbajnë elementet bor dhe molibden – përbërës që mendohet se janë themelorë për ndërtimin e jetës – kanë qenë shumë më të bollshëm në planetin e kuq, 3 miliardë vjet më parë, kur ka filluar jeta në Tokë. Sipas tij, ato mund të kenë arritur në planetin tonë nga shpërthimet e shkëmbinjve në Mars apo të vullkaneve. Teoria e Bennerit, ndonëse jo e re, ka pasur mbështetje në rritje, viteve të fundit.