Trajneri i Skënderbeut, Mirel Josa, ka qenë tejet i mërzitur pas humbjes së pësuar sot në shtëpi ndaj Tërbunit me rezultatin 2-3. Tekniku bardhekuq deklaroi se kjo ishte një humbje e dëshpëruese dhe e pafalshme.
"Jam shumë i dëshpëruar nga kjo humbje dhe për nga mënyra si erdhi kjo humbje. Bëmë shumë gabime dhe Tërbuni na ndëshkoi.
Tani duhet të ulemi e të analizojmë gjatë këtë situatë, sepse është e patolerueshme që ekipi të nënvlerësojë ndeshjen dhe të mos ketë forcë të reagojë,
Goli i anuluar? Nuk ka rëndësi nëse ka qenë i rregullt, nuk duhej ta sillnim lojën deri në këtë pikë, pasi duhej të fitonim dhe të mos merreshim fare me një gol të anuluar në fund", ka deklaruar Josa për 'Supersport' pas ndeshjes.
