Ka nisur si rrallëherë ndeshjen nga stoli, por Lorik Cana ka qenë njëlloj i lumtur me suksesin e Shqipërisë ndaj Rumanisë, ku ishte gati të sakrifikonte edhe të gjithë 90 minutat në pankinë.
"Ka disa muaj që ekipi po gjen dublime lojtarësh me nivel në çdo rol në fushë dhe është për t'u përgëzuar. Kur vjen në këto evente duhet të japin të gjithë kontributin dhe unë kam detyrën që si në fushë, ashtu edhe jashtë saj, t'i vë djemtë në gjendje për të luajtur', tha kapiteni.
"Nuk është e vështirë kur njeriu e di që vjen për të dhënë kontributin për fanellën dhe për interesin e skuadrës. Mua më shumë se të tjerët më takon të tregoj shembullin. Shpresoj të kemi fatin me vete e të luajmë edhe një ndeshje tjetër", tha Cana.
