Minifinalja e grupit "B" ndërmjet Spartakut dhe Devollit, ku të dyja skuadrat ishin me pikë të barabarta, u zhvillua në kompleksin "Olimpik" në Yrshek, nën masa të rrepta të sigurie. 
Rreth 200 tifozë kanë mbështetur Spartakun, megjithatë në fund ishte Devolli që arriti të fitonte në shifrat 3-1, duke marrë përkohësisht kryesimin e grupit B.
Por në fundin e ndeshjes në fushë ka pasur panik. Lojtari i Spartakut, Denild Cane, pas një përplasje me portierin Dushku ka rënë në tokë pa ndjenja dhe i ka kaluar gjuha poshtë. Pas ndërhyrjes së mjekëve të pranishëm, lojtari është dërguar drejt Spitalit Ushtarak dhe mësohet se gjendja e tij është normalizuar.
Elbasan
Në takimet që janë luajtur në Elbasan, Belshi ka bërë "poker" ndaj Turbinës B, duke mos e vënë asnjëherë në diskutim fitoren. Vlen për t'u përmendur dopieta e Selmanit, si edhe goli i Sadikut me 11- metërsh. Ndërkohë, gol shënoi edhe vetë trajneri i skuadrës së Belshit, Blerim Kuqja, që hyri si zëvendësues.
Ndërsa Flamurtari B ka mundur pastër 3-0 Gostimën në një ndeshje që foli më mirë për vlonjatët. Ai që hapi serinë e golave ishte Brahimaj në të 12-n, duke i dhënë qetësinë skuadrës së tij. Më pas, shënuan me radhë Idrizaj në pjesën e parë dhe më pas Toska në të dytën. Edhe pse Gostima u mundua të shënojë të paktën një gol nuk e arriti.
BELSHI - TURBINA B 4-1
GOLAT: Selmani 24´, 53´, Sadiku 39´ (11-m), B. Kuqja 32'/ Bajrami 28´
BELSHI: Peqini, Jança, Puka, Struga (D. Paprri 80´), S. Paprri, J. Kuqja, Kruja, Mezini (K. Paprri 46´), Çarçiu (B. Kuqja 46´), Sadiku, Selmani. Trajner: B. Kuqja
TURBINA: Gjika, Drazhdi, Bajrami, Shkoza, Biba, Qefa (Latifi 70´), A. Shabani, E. Shabani, Omeri (Gushonji 57´), Shehu, Luli (Tafa 80´). Trajner: A. Biba
GJYQTARË: D. Muça, U. Korra, R. Muzhaqi (Elbasan)
Flamurtari B - Gostima 3-0
GOLAT: Brahimaj 12´, Idrizaj 22´, Toska 78´
FLAMURTARI B: Kabello, Lila, Mahilaj (Sinaj 77´), Gjinaj, Hoxhaj (Nanaj 70´), Toska, Islamaj (Lamaj 85´), Aliaj, Sina, Idrizaj, Brahimaj. Trajner: D. Sadedini
GOSTIMA: Balla, Marashi, Gjorga, Lesko, Çopja, Plaka, Musaku (Idrizi 56´), D. Idrizi (Shuke 65´), Verçani, Xhika, Meta (Mici 23´). Trajner: F. Bilali
GJYQTARË: E. Demiraj, G. Kamolli, B. Balliu (Pogradec)
Spartaku T.- Devolli 1-3
GOLAT: E. Rizvani 75´ (11-m) / Bleta 7´, Trem 72´ (11-m), Pleshti 90'+3
SPARTAKU T: Livani, Menaj, Hysko, D. Cane (Zejneli 90´), Klosi (Dahriu 70´), A. Rizvani (Adili 57´), E. Rizvani, Harroku, Azizi, Metaj, Spahiu. Trajner: A.Vangjeli.
DEVOLLI: Dushku, Çoko, Përe, Braholli, F. Cane, Metolli, Mallbati, Kambo, Fifo (Pleshti 73´), Trem (Xhaholli 85´), Bleta (Xhaçi 57´). Trajner: K.Skoti.
GJYQTARË: E.Bastari, R.Dobruna, Xh.Mani, E.Spahiu (Tiranë)
KARTONË TË VERDHË: Klosi 14´, Menaj 34´, E. Rizvani 52´ / Bleta 9´, Trem 21´, Fifio 22´, F. Cane 28´, Çoko 30´, Pleshti 68´.
KARTONË I KUQ: Metaj 71´
Përgatiti: A. Dushku/V. Mema
