Një kompani kineze ka nisur ambiciet për të ndërtuar godinën më të lartë në botë, duke sfiduar Dubain, por jo vetëm kaq, koha e ndërtimit do të jetë rekord botëror. Kompania kineze e ndërtimit “Broad Group” do ta ndërtojë “Sky City One” me 220 kate, plus dy të nëndheshme, në periferinë rurale të Çangsha, qytet me 7 milionë banorë në provincën Hunan, Kina qendrore. Lartësia e saj parashikohet të jetë 838 metra, duke kapërcyer me dhjetë metra (828) Burj Khalifa në Dubai, e cila aktualisht mban rekordin si ndërtesa më e lartë. Por ka një ndryshim të madh.
Për ndërtesën në Dubai u deshën 72 muaj punë, ndërsa për atë në Kinë, sipas projektuesve të saj, duhen vetëm 3 muaj. Sekreti është teknika e ndërtimit, e cila i ngjan asaj të lojërave “Lego”. Nuk do të ketë tulla me ngjyra, por module standarde të paraprodhuara prej 15,6 apo 3,9 metra. Presidenti i kompanisë, Zhang Yue, tha për “Financial Times” se “E kemi testuar më parë teknikën tonë, por kësaj radhe bëhet fjalë për një ndërtesë pak më të lartë”.
Për ndërtesën në Dubai u deshën 72 muaj punë, ndërsa për atë në Kinë, sipas projektuesve të saj, duhen vetëm 3 muaj. Sekreti është teknika e ndërtimit, e cila i ngjan asaj të lojërave “Lego”. Nuk do të ketë tulla me ngjyra, por module standarde të paraprodhuara prej 15,6 apo 3,9 metra. Presidenti i kompanisë, Zhang Yue, tha për “Financial Times” se “E kemi testuar më parë teknikën tonë, por kësaj radhe bëhet fjalë për një ndërtesë pak më të lartë”.
