Për Jyrgen Klopin, Gjermania do të ishte kampionia logjike e Europës. "Edhe ndaj një ekipi me 10 veta si Gjermania, Franca u detyrua të mbrohet në shtëpinë e saj në gjysmëfinale", deklaroi trajneri gjerman gjatë një interviste për "Welt am Sonntag".
Për teknikun e Liverpulit, fitorja 2-0 e të zotëve të shtëpisë ishte e pamerituar: "Fatkeqësisht mungoi vetëm goli dhe mund të them se humbëm një ndeshje që ishte totalisht e pamerituar. Unë jam befasuar nga cilë- sia jonë dhe nga ky brez futbollistësh që është si një dhuratë".
Në fund, ai përshëndeti edhe vendimin për të vazhduar me Joakim Lëvin në stol deri në Botërorin e 2018-ës në Rusi. "Lëv ka një raport të mirë me djemtë e rinj. Është diçka e bukur që ai do të vazhdojë të punojë me ta. Pas dy vitesh, unë e shikoj Gjermaninë përsëri favorite për të triumfuar edhe në Botëror. Shumica e lojtarëve aktualë do të jenë në një moshë ideale. Pas Kimishit do të jetë edhe radha e talenteve të tjera për të hyrë në skuadër si Sane, Brandt, Vaigël dhe Emre Xhan", përfundoi ish-trajneri i Dortmundit.
