Në vizitën e pak ditëve më parë të ministrit të Mbrojtjes të Turqisë, Ismet Yilmaz, të zhvilluar në Tiranë, në asnjë prej deklaratave zyrtare nuk përfshihej kërkesa e fundvitit e kryeministrit Sali Berisha për kthimin në Shqipëri të kokës së Ali Pashë Tepelenës dhe eshtrave të Sami Frashërit. Por ndryshe nga qëndrimet publike, mediat turke kanë shkruar dje për disa detaje të vizitës së ministrit turk të Mbrojtjes.
Me titullin “Kërkesa interesante nga Shqipëria”, mediat turke kanë bërë të ditur se kryeministri Berisha ka zyrtarizuar premtimin e tij, dhënë pak kohë më parë në një mbledhje të komitetit, për kthimin e kokës së Ali Pashës dhe eshtrave të Sami Frashërit në atdhe. Po sipas mediave turke, bëhet e ditur se ministri i Mbrojtjes i Turqisë e ka marrë në konsideratë kërkesën e Berishës.
Megjithatë, përpos njoftimeve mediatike që iu referohen burimeve, nga qeveria turke nuk ka ende një qëndrim zyrtar për dy kërkesa në fjalë. Më shumë sesa kërkesa për kthimin e kokës së Ali Pashë Tepelenës, mund të sjellë reagime nga autoritetet zyrtare turke kërkesa tjetër e Berishës për kthimin e eshtrave të Sami Frashërit në Shqipëri, duke qenë se ai është gjithashtu edhe një personalitet në historinë e këtij vendi. Në fund të muajit dhjetor, në një nga mbledhjet e komitetit të qeverisë kryeministri Berisha deklaroi në mënyrë të beftë se do t’i kërkojë Turqisë kthimin në Shqipëri të kokës së Ali Pashë Tepelenës. “Mund t’u duket pak si e veçantë dhe është e tillë, por duhet të bëjmë çdo gjë që të kthejmë nga Stambolli kokën e Ali Pashë Tepelenës. Është një nga figurat dhe personalitetet me karakter dhe peshë më të veçantë.
Në qoftë se marrim historinë tonë pas vdekjes së Skënderbeut, historia jonë u transferua në tërësinë e saj në banesën e harresës si komb. Ali Pasha me të gjithë veprimtarinë e tij i dëshmoi botës se shqiptarët nuk kanë vdekur, se janë një komb i pamposhtur. Jo rastësisht më i fuqishmi i asaj kohe dhe asaj bote, Napolon Bonaparti do të tregonte interes shumë të madh për Pashain e Janinës, që në fakt filluan edhe ta shpallin si Bonaparti i Ballkanit. Pra, me të gjitha përpjekjet e tij, luftërat, ky strateg i madh i tha botës se ky komb është i pamposhtur”, – është shprehur Berisha në mbledhjen e komitetit të fundvitit.
Me titullin “Kërkesa interesante nga Shqipëria”, mediat turke kanë bërë të ditur se kryeministri Berisha ka zyrtarizuar premtimin e tij, dhënë pak kohë më parë në një mbledhje të komitetit, për kthimin e kokës së Ali Pashës dhe eshtrave të Sami Frashërit në atdhe. Po sipas mediave turke, bëhet e ditur se ministri i Mbrojtjes i Turqisë e ka marrë në konsideratë kërkesën e Berishës.
Megjithatë, përpos njoftimeve mediatike që iu referohen burimeve, nga qeveria turke nuk ka ende një qëndrim zyrtar për dy kërkesa në fjalë. Më shumë sesa kërkesa për kthimin e kokës së Ali Pashë Tepelenës, mund të sjellë reagime nga autoritetet zyrtare turke kërkesa tjetër e Berishës për kthimin e eshtrave të Sami Frashërit në Shqipëri, duke qenë se ai është gjithashtu edhe një personalitet në historinë e këtij vendi. Në fund të muajit dhjetor, në një nga mbledhjet e komitetit të qeverisë kryeministri Berisha deklaroi në mënyrë të beftë se do t’i kërkojë Turqisë kthimin në Shqipëri të kokës së Ali Pashë Tepelenës. “Mund t’u duket pak si e veçantë dhe është e tillë, por duhet të bëjmë çdo gjë që të kthejmë nga Stambolli kokën e Ali Pashë Tepelenës. Është një nga figurat dhe personalitetet me karakter dhe peshë më të veçantë.
Në qoftë se marrim historinë tonë pas vdekjes së Skënderbeut, historia jonë u transferua në tërësinë e saj në banesën e harresës si komb. Ali Pasha me të gjithë veprimtarinë e tij i dëshmoi botës se shqiptarët nuk kanë vdekur, se janë një komb i pamposhtur. Jo rastësisht më i fuqishmi i asaj kohe dhe asaj bote, Napolon Bonaparti do të tregonte interes shumë të madh për Pashain e Janinës, që në fakt filluan edhe ta shpallin si Bonaparti i Ballkanit. Pra, me të gjitha përpjekjet e tij, luftërat, ky strateg i madh i tha botës se ky komb është i pamposhtur”, – është shprehur Berisha në mbledhjen e komitetit të fundvitit.
