Rregullorja e re për konkursin e drejtorëve të shkollave në arsimin parauniversitar është thuajse gati. Këtë konfirmojnë burime të sigurta pranë Ministrisë së Arsimit. Në të janë përcaktuar të gjitha kriteret mbi mënyrën si do të përzgjidhen krerët e rinj në shkolla. Ashtu siç ka deklaruar pak ditë më parë edhe ministri i Arsimit, Myqerem Tafaj, në nëntor pritet të hapet konkursi për aftësitë profesionale të krerëve të institucioneve arsimore. Sipas ministrit, në këtë mënyrë do të shmangen abuzimet që bëhen në Tiranë dhe në rrethe, në caktimin në krye të shkollave të njerëzve jo të kualifikuar. Gazeta zbardh disa nga kriteret që duhet të plotësojnë arsimtarët për të fituar në këto pozicione pune. Nga sa konfirmojnë burimet pranë MASH-it, rregullorja përcakton se që një mësues të bëhet drejtor shkolle duhet të ketë të paktën kategorinë e dytë të kualifikimit të mësuesve, domethënë mbi 10 vjet eksperiencë në mësuesi. Gjithashtu, ai duhet të ketë qenë nëndrejtor shkolle për të paktën një vit shkollor. “Nëse i është nënshtruar provimit të kualifikimit, ‘mirë’ ose ‘shumë mirë’”, sqaruan specialistët.
Po kështu, një tjetër kriter do të jetë zotërimi i një gjuhe të huaj të mbrojtur me certifikatë. Mandati i një drejtori shkolle do të jetë katër vjet. “Kur drejtori mbush katër vite të plota të njëpasnjëshme shkollore, duhet të hapet konkurrimi për vendin e tij. Mandati i një drejtori mund të përsëritet pa kufizim. Bordi i arsimit ngrihet në nivel zone, që është nën juridiksionin e një DAR/ZA-je”, sqaruan specialistët e Ministrisë. Sipas tyre, drejtuesit e shkollave do të vlerësohen me pikë edhe për kualifikimet e ndryshme gjatë viteve të punës. Do të ketë dy lloje procedurash për emërimin dhe shkarkimin e tyre. “Emërimi dhe shkarkimin i një drejtori mund të kryhet nga bordi i shkollës dhe bordi i arsimit. Bordi i një shkolle merr pjesë në emërimin dhe shkarkimin e një drejtori vetëm kur përmbush disa kushte paraprake.Bordi i shkollës përzgjedh dy kandidatë për drejtor në mes aplikuesve dhe ia dërgon bordit të arsimit. Bordi i arsimit përzgjedh njërin nga dy kandidatët”, përcaktohet në rregullore. Po kështu, edhe shkarkimi i një drejtori mund të propozohet nga bordi i shkollës. Ky i fundit vendos që t’i propozojë bordit të arsimit shkarkimin e drejtorit. Bordi i arsimit merr vendimin për shkarkim.
Konkursi
Nga sa sqarojnë specialistët e Ministrisë së Arsimit, drafti përfundimtar pritet të jetë gati brenda pak javësh. Më pas do të shpallen datat e konkursit dhe procedurat e detajuara. Burime nga MASH bëjnë me dije se në konkurs pritet të përfshihet edhe një testim për aftësitë profesionale me shkrim, i cili gjithashtu do të vlerësohet më pikë.
Po kështu, një tjetër kriter do të jetë zotërimi i një gjuhe të huaj të mbrojtur me certifikatë. Mandati i një drejtori shkolle do të jetë katër vjet. “Kur drejtori mbush katër vite të plota të njëpasnjëshme shkollore, duhet të hapet konkurrimi për vendin e tij. Mandati i një drejtori mund të përsëritet pa kufizim. Bordi i arsimit ngrihet në nivel zone, që është nën juridiksionin e një DAR/ZA-je”, sqaruan specialistët e Ministrisë. Sipas tyre, drejtuesit e shkollave do të vlerësohen me pikë edhe për kualifikimet e ndryshme gjatë viteve të punës. Do të ketë dy lloje procedurash për emërimin dhe shkarkimin e tyre. “Emërimi dhe shkarkimin i një drejtori mund të kryhet nga bordi i shkollës dhe bordi i arsimit. Bordi i një shkolle merr pjesë në emërimin dhe shkarkimin e një drejtori vetëm kur përmbush disa kushte paraprake.Bordi i shkollës përzgjedh dy kandidatë për drejtor në mes aplikuesve dhe ia dërgon bordit të arsimit. Bordi i arsimit përzgjedh njërin nga dy kandidatët”, përcaktohet në rregullore. Po kështu, edhe shkarkimi i një drejtori mund të propozohet nga bordi i shkollës. Ky i fundit vendos që t’i propozojë bordit të arsimit shkarkimin e drejtorit. Bordi i arsimit merr vendimin për shkarkim.
Konkursi
Nga sa sqarojnë specialistët e Ministrisë së Arsimit, drafti përfundimtar pritet të jetë gati brenda pak javësh. Më pas do të shpallen datat e konkursit dhe procedurat e detajuara. Burime nga MASH bëjnë me dije se në konkurs pritet të përfshihet edhe një testim për aftësitë profesionale me shkrim, i cili gjithashtu do të vlerësohet më pikë.
