Policia: Akuzohen për krime nga vrasjet deri te shfrytëzimi i prostitucionit, mashtrimi dhe trafiku i drogës.
Për 11 prej tyre policia nuk disponon as fotografitë, ja dënimet.
Në listën e personave më të kërkuar nga Policia dhe nga Drejtësia shqiptare, që u publikua dje nga Ministria e Brendshme, numërohen edhe emrat e 23 femrave. Ato janë konsideruar si gratë “most wanted” të Policisë Shqiptare dhe akuzat që rëndojnë mbi to, për të cilat janë dënuar edhe me vendim të formës së prerë, janë të ndryshme. Sipas të dhënave që janë pasqyruar në listën e Policisë së Shtetit, rezulton që nga 23 gratë dhe vajzat që kërkohen nga drejtësia, 6 prej tyre janë të dënuara për akuzën e vrasjes. Mes tyre është edhe Zylfie Haklaj, e cila akuzohet për vrasje me dashje dhe është dënuar me 25 vjet burg, maksimumin e dënimit që parashikohet për femrat.
Ndërsa po 6 femra të tjera janë të dënuara për shfrytëzim dhe favorizim prostitucioni. Tri prej femrave që kërkohen nga drejtësia akuzohen për mashtrim, njëra prej të cilave për mashtrim me pasoja të mëdha. Dy prej tyre rezultojnë që të jenë arratisur nga burgu e, për këtë arsye, i janë shtuar vitet e dënimit, ndërsa 4 të tjera janë dënuar me vendim të formës së prerë, pasi akuzohen për trafik droge, prodhim e shitje të lëndëve narkotike. Ndërsa 2 të tjera janë të akuzuara për trafik mjetesh motorike e rrëmbim personi. Më poshtë, lista me emrat dhe dënimet përkatëse të femrave që janë në kërkim dhe 12 të tjera për të cilat Policia disponon edhe fotografitë.
