Nejmar është vënë në shënjestër të krizës së Barcelonës, veçanërisht pas humbjes së fundit me Valencian ku shpërtheu edhe lajmi se ai nuk shkon mirë me Mesin.
Prandaj rivalet e katalanasve janë gati të përfitojnë nga situata e krijuar. Sipas tabloidit britanik, "Daily Star", drejtuesit e Barçës janë të gatshëm të hyjnë në bisedime për shitjen e sulmuesit brazilian.
Në "pole position" vazhdon të mbetet Mançester Junajtid, që në të shkuarën bëri edhe një ofertë prej 150 milionë paundësh (190 milionë euro), e cila korrespondon edhe me klauzolën e prishjes së kontratës së lojtarit.
Por, përveç anglezëve, të interesuar për kapitenin e "Seleçaos" janë edhe francezët e PSG-së, kështu që "djajtë e kuq" duhet të mposhtin konkurrencën me skuadrën e Al-Khelaifit. Katalanasit kanë refuzuar çdo ofertë të klubeve të interesuar deri më sot.
