UPDATE/ Kukësi dhe Rudar Pljevlja e mbyllën në barazim ndeshjen e vlefshme për turin e parë eliminator të Ligës së Europës. Takimi i luajtur mbrëmjen e së enjtes në "Elbasan Arena" përfundoi me rezultatin 1-1. Fillimisht Kukësi kaloi në avantazh në pjesën e parë me anë të Rengel, por miqtë barazuan në minutën e 71´ të pjesës së dytë me një 11-metërsh.
Pamje nga ndeshja ne "Elbasan Arena"
Ndeshja u zhvillua pa tifozë për faktin se vendasve u ka kushtuar shumë ai send i hedhur në fushë në "Qemal Stafa", në takimin e parë të turit të tretë kualifikues kundër Legias së Varshavës sezonin e kaluar.
Pjesa e dytë
Ekipi i Rudarit u shfaq më kërkues ndaj golit në pjesën e dytë. Miqtë iu afruan barazimit në minutën e 69´ të pjesës së dytë. Ivanoviç dribloi në zonën e rreptësisë së Kukësit dhe gjuajtja e tij preku shtyllën e portierit Koliçi.
Por malazezët nuk u dalën me kaq. Pak minuta më pas Rudari fitoi një 11-metërsh që u shndërrua në gol nga portieri mik, Radanoviç.
Ivanoviç pati një tjetër rast për të kaluar ekipin e tij në avantazh në minutën e 84´-t. I gjendur i vetëm përballë Koliçit, Ivanoviç provoi të kalonte një top sipër tij, por gardiani i Kukësit kuptoi çdo gjë duke shpëtuar ekipin e tij nga goli i disavantazhit.
Pjesa e parë
Pjesa e parë u karakterizua nga një lojë e kujdesshme nga të dyja skuadrat. Kukësi rriti disi presionin e lojës në gjysmën e dytë të pjesës së parë, duke gjetur edhe golin e avantazhit ndaj malazezëve në minutën e 32' me anë të Rangel.
Një top i harkuar nga Mici në zonë pas një goditje dënimi në krahun e djathtë, përfundon te braziliani që shënon me kokë golin e avantazhit.
Ndeshja e sotme gjykohet nga një treshe izraelite. Kryesor është Roi Reinshreiber, i cili dihmohet nga Amihay Yehoshua Mozes dhe Idan Berenshtein.
Rezultati final:
Kukësi - Rudar Pljevlja 1 - 1
Gol: Rangel 32'/ Radanoviç 71´ (me penallti)
Tabela elektronike ne "Elbasan Arena"
