Skuadra e Kukësit ka nisur sot zyrtarisht përgatitjet për pjesëmarrjen në Ligën e Europës dhe për sezonin e ri. Skuadra, me vetëm 11 lojtarë në përbërje, është vënë nën urdhrat e trajnerit Hasan Lika, i emëruar vetëm dy ditë më parë pas largimit të Klodian Duros.
Për momentin, Kukësi do të stërvitet pranë Liqenit Artificial në Tiranë, derisa grupi të plotësohet dhe të vendoset përfundimisht se ku do të zhvillohet faza përgatitore.
Sipas vetë shefit të klubit, Jonuz Hallaçi, ekipi do të largohet nga Shqipëria të hënën, ndërsa destinacioni më i mundshëm mbetet Maqedonia.
