Menjëherë pas deklaratave të presidentit të Bylisit, Agron Kapllanaj i cili e quajti ndeshjen mes Laçit dhe Flamurtarit një estradë, pasi kurbinasit toleruan në dëm të ballshiotëve ka reaguar dhe klubi vlonjat.
Përmes një postimi në profilin e tyre zyrtar në "Facebook" klubi i kuqezinjëve thekson që Flamurtari nuk bëhet pjesë e estradave.
Reagimi
Duke marrë shkas nga deklaratat për tolerim në ndeshjen Laci-Flamurtari dëshirojmë vetëm të sqarojmë të gjithë opinionin sportiv se Flamurtari Football Club nuk është dhe nuk do të bëhet asnjëherë pjesë e tyre.
Deshirojmë t'ju kujtojmë zotërinjve në fjalë se Flamurtari ishte i vetmi Ekip që ka denoncuar fuqishëm këtë gangrenë të futbollit kur të tjerët vijojnë të heshtin.
Flamurtari nuk bëhet pjesë e estradave të tilla që në Shqiperi tashmë e kanë një emër.
Për Flamurtarin i vetmi rival i drejtpërdrejt është Tërbuni që kundër nesh ka marrë katër pikë kurse kundër rivaleve tanë direkt ka marrë vetem zero pikë .
Është më se e drejtë që gjithësecili të shikoj ekipin dhe ndeshjet e veta dhe jo të gjeje alibi për deshtimet tek të tjerët.
Flamurtari nuk ka nevojë për pritje me tufa me lule në asnjë fushë.
