Letersia Maturantet MASH kopjoi testin ne internet

Maturantët, të cilët ditën e shtunë, me datë 2 qershor, iu nënshtruan provimit të parë me detyrim, Letërsisë, e kanë kontestuar fuqishëm poezinë e Bodlerit “Albatros” mbi të cilën ishin të bazuara 10 pjesës së dytë të testit dhe që në total kanë 15 pikë. Sipas tyre, ata jo vetëm që nuk e kanë bërë fare këtë pjesë, në asnjë prej tre viteve të shkollës së mesme dhe nuk e përmban asnjë prej Letërsive alternative që ata mbajnë në duar, por janë habitur edhe nga përgjigjet e dhëna nga MASH për pyetjet që i përkisnin kësaj pjese, të cilat nuk korrespondonin me ata që shoqërojnë, kudo që ajo është e publikuar.

Madje ata shkojnë më tej, kur thonë se specialistët e ministrisë së Arsimit, nuk e kanë hartuar vetë testin mbi këtë pjesë, por e kanë marrë të gatshëm nga një site amerikan që jep modele testesh për letërsinë. Edhe 200 maturantë të shkollës së mesme të përgjithshme "Themistokli Gërmenji" në Korçë, kanë organizuar për të njëjtën arsye një protestë duke kërkuar rishikimin nga ministria e Arsimit të skemës së vlerësimit të poezisë "Albatros". Pas kontestimeve të shumta nga ana e maturantëve për poezinë “Albatros”, ka reaguar edhe ministria e Arsimit dhe Shkencës. Në një njoftim për mediat, kjo ministri ka deklaruar se testi i gjuhës shqipe dhe letërsisë, për Maturën Shtetërore 2012, bazohet tërësisht në programin orientues, të publikuar nga MASH, në janar 2012.