Për të bërë të prekshëm objektivin e fillimsezonit, atë të ngjitjes në Superiore, të besuarve të Gerd Haxhiut u duhet më së pari të kapërcejnë pengesën e radhës që mban emrin Sopot. 
Ergys Mersini, mbrojtësi i krahut të majtë, beson te fitorja e radhës.
"Jemi drejt finishit të garës, por për hir të së vërtetës duhet të pranojmë se asgjë nuk ka përfunduar. Do të shkatërronim gjithçka në katër ndeshjet e mbetura nëse do të gabonim. Sopoti, kundërshtari i javës është i fortë, veçanërisht në fushën e tij. Grupi është i kompletuar dhe i gatshëm për të dhënë më të mirën. Në fushë do të futemi me besim në vete, të vetëdijshëm për qëndresën e kundërshtarit, por me zemër dhe karakter shpreh bindjen se do t'ia dalim", shprehet Mersini.
Prej dy ditësh, gjirokastritët janë duke vijuar përgatitjet për ndeshjen e radhës dhe po marrin ngarkesat e duhura nga trajneri Gerd Haxhiu.
Përgatiti: Tomor Shehu
