MASH Himni kombetar i detyrueshem

Të gjitha shkollat e sistemi parauniversitar tashmë e kanë të detyrueshme që të këndojnë çdo ditë para fillimit të mësimit, Himnin Kombëtar. Ky është urdhri i ri i nxjerrë nga ish-Ministri i Arsimit, z.Myqerem Tafaj, urdhër i cili është publikuar ditën e djeshme në fletoren zyrtare. Ky urdhër jo vetëm që detyron të gjitha shkollat të këndojnë Himnin Kombëtar, por sanksionon që Flamuri ynë Kombëtar duhet të ngrihet në të gjitha institucionet arsimore në vend duke rritur kështu frymën patriotike. Kjo nismë është marrë edhe në vitin 2005 nga Ministri i Arsimit të asaj kohe, Genc Pollo, por nuk gjeti mbështetje dhe ngeli vetëm një ligj i shkruar por jo i zbatuar.