MPJ denon sulmin terrorist ne Ankara

TIRANË, 10 Tetor/ATSH/ -Ministria e Punëve të Jashtme ka dënuar sulmin e sotëm terrorist të ndodhur në Ankara të Turqisë, me pasojë humbjen e jetëve të civilëve të pafajshëm.

"Shprehim ngushëllimet e thella dhe u gjendemi pranë popullit dhe qeverisë turke në këto momente të vështira duke uruar një shërim të shpejtë për të plagosurit dhe në tejkalimin e kësaj situate", thuhet në deklaratën e MPJ-së.

Të paktën 30 persona kanë humbur jetën dhe 126 të tjerë janë plagosur pas një shpërthimi të dyfishtë në stacionin hekurudhor të Ankarasë para një manifestimi për paqe të organizuar nga opozita e majtë, njoftoi ministria turke e Brendshme. /gj.m/ /a.ke/f.n/