Gugash Magani kërkonte me çdo kusht fitoren ndaj Kukësit dhe në deklaratën e tij pas ndeshjes e pranon se barazimi ishte një rezultat që mund t'i prishë punë Teutës në rrugën për një vend në Europa League.
Ai gjithashtu shpreh pakënaqësi me gjykimin, pasi pretendon një penallti të padhënë nga arbitri.
"Mendoj se sot krijuam lojë dhe më shumë raste, ndaj meritonim më shumë, por sa për meritë të kundërshtarit, ashtu edhe për faj tonë, nuk mundëm ta gjejmë golin.
Kam edhe rezerva për një penallti që pretenduam, sepse mendoj se arbitri gaboi që nuk e dha dhe ishte një episod që vendosi shumë për ndeshjen.
Gjithsesi, jam i kënaqur nga impenjimi i skuadrës, dha maksimumin për 90 minuta. "Kualifikimi për në kupat e Europës është mjaft i vështirë, por ne do të vazhdojmë t'i marrim ndeshjet një nga një dhe do të shohim në fund", deklaroi Magani pas ndeshjes për "Supersport".
