Kukësi është mposhtur në "Zeqir Ymeri" nga Partizani me rezultatin minimal 0-1. 
Kuksjanët kanë pasur rastin të marrin avantazhin në pjesën e parë të takimit falë një 11-metërshi të fituar nga Dvornekoviç, por që nuk arrin ta konvertojë në gol sulmuesi Emini përballë portierit të kuqve Dashamir Xhika.
Menjëherë sapo është mbyllur fraksioni i parë, kapiteni i verilindorëve, Renato Malota i mërzitur nga humbja e penalltisë së Eminit ka goditur xhamin e dhomës së zhveshjes duke çarë dorën. Ngjarja ka ndodhur në pushimin e ndeshjes dhe mbrojtësi ka marrë mjekimin e duhur për tu futur më pas në lojë në pjesën e dytë.
Burime të "Panorama Sport" pranë klubit të Kukësit, konfirmojnë se ka bere pesë qepje në dorë dhe më pas është futur në fushë në pjesën e dytë. Gjithashtu Erik Flores mësohet se ka këputur ligamentin e gjurit dhe ka mbyllur sezonin. Lajmi konfirmohet për gazetën nga burime praë stafit mjekësor të Kukësit.
