Legjenda e futbollit argjentinas Diego Armando Maradona është filmuar në tribunën VIP duke ndjekur ndeshjen miqësore mes Al Ahly-it dhe Romës.
Mediat italiane kanë publikuar foto të tij në stadium duke thënë se ai duartrokiti performancën e treguar nga Toti në fushë, paçka se Roma e humbi takimin me rezultatin 4-3.
Kapiteni i Romës ishte protagonist me dy asistet e dhënë për Dzekon dhe Sahal. Javët e fundit Toti ka qenë në vëmendjen e shtypit italian lidhur me rinovimin e mundshëm të tij me Romën.
