Menaxheri i Rei Manaj, Alberto Fontana ka rrëfyer në një intervistë për "Inter Club Albania" rreth së ardhmes së talentit lushnjar të zikaltërve.
Italiani theksoi që sulmuesi kuqezi do të jetë një futbollist i madh në të ardhmen. Ndër të tjera Fontana tha se presin zgjedhjen e De Biazit, nëse 19-vjeFontana tha se presin zgjedhjen e De Biazit, nëse 19-vjeçari do të marrë një ftesë për në Europian apo jo.
Manaj ka ardhur te Interi si huazim me të drejtë blerje nga Cremonese. Do të përdoret kjo e drejtë blerje? Si ka lindur tratativa për transferimin tek Interi: ishte edhe Juve?
E drejta e blerjes është një e drejtë e Interit të cilën besoj se do e shfrytëzoj me 100% duke parë sezonin e lojtarit. Në fakt ishte edhe Juve ashtu si skuadrat tjera por në fund ka peshuar vullneti i Rey dhe zgjuarësia e drejtorit Ausilio për të mbyllur tratativën.
Nëse do të blihet nga Interi, do të huazohet diku tjeter? Nëse po, mund të jetë një huazim në Itali apo jashtë?
Është akoma herët për t'u përgjigjur. Nëse do të huazohet unë jam duke punuar si për pista italiane ashtu edhe për të huaja me një preferencë për këto të fundit.
Duke llogaritur që merkato e Interit ka limite, mund të konsiderohet një shitje me të drejtë ri-blerje?
Mund të jetë një opsion.
Në këtë sezon mund të themi që ai nuk ka pasur shumë hapësirë. Besoni që mund të jetë në Francë me Shqipërinë e De Biasit?
Besoj që De Biasi do të zgjedh pas pak ditësh. Ai e vlerëson Rein dhe do të bëj vlerësimet e tij duke kërkuar të bëj maksimumin për Shqipërinë.
Cili është raporti mes tij, Mancinit, Ausilios dhe skuadrës? Ku e sheh Manajn per 5 vite?
Ausilio një ditë më thotë: «Nuk kemi pasur asnjëherë një lojtar kaq të ri që është kaq i dashur nga shokët e tij». Rey ka qënë i zoti duke u integruar menjëherë me grupin. Ka një raport të shkëlqyer me trajnerin dhe drejtorin. Pas 5 vitesh e shoh si një prej sulmuesve më të mirë ne Evropë.
Ai në Shqipëri është një idhull për të gjithë interistat këtu dhe jo vetëm. Duke qënë vetëm 19-vjeç, mendon se kjo dashuri e tifozëve në këtë moshë kaq të re i bën mirë apo mund të jetë një rrezik për karrierën e tij?
Aftësia më e mirë e Reyt është personaliteti dhe përulësia. Nuk ka asnjë mundësi që mund të jetë një rrezik. Fati i tij është edhe familja e tij sepse si babai Aldo, ashtu edhe nëna Elvira dhe motra Alvi janë njerëz të çmueshëm për rritjen e tij.
