Miqesorja si e komentuan mediat italiane humbjen e Shqiperise

Humbja e Shqipërisë mbrëmjen e së premtes me rezultatin 1-3 në miqësore ndaj Ukrainës është pasqyruar gjerësisht në mediat e huaja. Mediat italiane kanë vlerësuar paraqitjen e treguar nga tifozëria shqiptare në stadiumin, ndërsa për lojën e Kombëtares kanë evidentuar gabimet dhe mungesën e eksperiencës.

“Sportmediaset”

Sipas “Sportmediaset” Shqipëria e De Biazit u dorëzua para Ukrainës në testin e fundit para finaleve të Europianit.

“Në stadiumin ‘Azzuri d’Italia’ në Bergamo, Shqipëria e lacialit Berisha dhe e napolitanit Hysaj u dorëzua 1-3 ndaj Ukrainës. Zgjedhjet e De Biazit, pas fitores 3-1 ndaj Katarit, u mundën në testin më të vështirë në prag të Euro 2016″”,-shkruan “Sportmediaset”.

“La Repubblica Sport”

Gazeta italiane “La Repubblica Sport” pasqyron në faqen e saj një kronologji që nga shënimi i golit të parë nga Ukraina, e deri te realizimi i golit të tretë. Për paraqitjen e kuqezinjve gazeta italiane shprehet se Shqipëria e De Biazit “përfundoi në tapet”.

“Tuttomercatoweb”

Portali i njohur “Tuttomercatoweb” ka vlerësuar tifozërinë shqiptare në stadiumin e Bergamos si lojtarin e 12 në fushë.

“Një tifozëri e ndezur që mund të përsëritet në Francë, madje, duke krijuar edhe mrekulli në fushë”,-shkruan portali i njohur sportiv.

Ndërsa për paraqitjen e kuqezinjve, thuhet se çmimi i gabimit është i shtrenjtë dhe kjo u pa që nga Berisha dhe tek shokët e tij të skuadrës.

Goal.com

Edhe portali i njohur sportiv “Goal.com” vlerësoi entuziazmin e treguar nga tifozët kuqezi në stadiumin e Bergamos, ndërsa vlerëson nivelin e lojës që skuadrat treguan në fushë, paçka se takimi ishte në kuadër të miqësoreve para Europianti.

“Me siguri që në Bergamo, nuk u mërzitën. Pas një çerek ore ekipet shënua dy gola 1-1”,-shkruan portali, ndërsa thekson paraqitjen e mirë të treguar nga Armando Sadiku në këtë takim.