Moti java vjen me ulje temperaturash dhe reshje ne te gjithe vendin

Duket se vjeshta e tejzgjatur e këtij viti ka përfunduar zyrtarisht. Java që vjen, sipas të dhënave të “Metoalb” pritet që të karakterizohet nga mot i paqëndrueshëm. Që nga e hëna do të ketë reshje shiu dhe bore, veçanërisht në zonat malore. Situata parashikohet të paraqitet më problematike në zonat e larta malore, ku nuk do të mungojnë reshjet e borës.

Temperaturat pritet të pësojnë një ulje me 5-6 gradë për shkak të reshjeve të shiut, të cilat me ndalesa të pakta disaorëshe, pritet të jenë të pranishme gjatë të gjithë javës që vjen. Sipas sinoptikanëve, moti i lagësht dhe temperaturat e ulëta pritet të shoqërojë të gjithë 10 ditëshin e parë të muajit dhjetor.