TIRANË, 23 Tetor/ATSH/ -Ministria e Punëve të Jashtme shprehu sot ngushëllimet për ndarjen nga jeta të ish-Ambasadorit Pirro Koçi.
Me anë të një postimi në rrjetin social "Facebook", MPJ thekson se, "Z. Koçi ka dhënë kontributin e tij të vyer ne shërbimin e jashtëm shqiptar, duke shërbyer si Ambasador në përfaqësitë tona në Sofie dhe Romë. Karriera e tij përfshin disa poste të rëndësishme në Ministrinë e Jashtme dhe përfaqësitë Berlin, Bukuresht dhe Beograd".
Ministria e Punëve të Jashtme i shpreh ngushëllimet më të sinqerta dhe i gjendet pranë familjes, kolegëve miqve dhe të afërmve. /gj.m/f.n/
