Ndryshon arsimi bazefillorja do te behet me 6 klase

Arsimi fillor do të pësojë ndryshime të tjera përveç atyre që janë bërë deri tani. Sipas specialistëve të Ministrisë së Arsimit, sistemi i arsimit bazë do të jetë 6+3 dhe jo 4+5 si ka qenë deri tani. Këto ndryshime do të bëhen me qëllim që arsimi në vendin tonë t’i përshtatet nivelit të vendeve më të zhvilluara të Bashkimit Evropian. Ky projektligj i sistemit arsimor parauniversitar parashikon shtimin me një vit të arsimit fillor. Sipas këtij ndryshimi, klasa fillore do të jetë e zgjatur në kohë për një periudhë gjashtëvjeçare, ndërkohë që tri klasat e tjera do të përmbyllin ciklin e arsimit bazë që në total do të përbëjnë ciklin 9-vjeçar. Ky ndryshim sipas specialistëve do të bëjë që i gjithë sistemi arsimor t’i përshtatet nivelit të arsimit në Evropë dhe në botë. Duhet theksuar se sistemi i ri arsimor nuk është miratuar akoma nga qeveria, por sipas të gjithave parashikimeve do të jetë i gatshëm duke filluar nga viti i ardhshëm.