Pak ditë para fillimit të Javës së 31-të të Kategorisë Superiore, Federata Shqiptare e Futbollit ka ndryshuar kalendarin e ndeshjeve.
Ndeshja mes Tërbunit dhe Teutës, e cila ishte parashikuar të luhej ditën e shtunë në orën 16:00, është zhvendosur për të hënën me të njëjtin orar.
Katër sfidat e tjera nuk janë prekur: Bylisi-Laçi dhe Vllaznia-Flamurtari janë dy takimet që do të luhen në orën 16:00 të ditës së diel, ndërsa Kukësi-Partizani do të luhet në të njëjtin orar, por ditën e hënë.
Po në këtë ditë është përcaktuar të luhet edhe kryendeshja e Javës së 31-të mes Tiranës dhe Skënderbeut do (ora 19:00).
