Këngëtari ulqinak Ardian Lulgjuraj dhe kitaristi Bledar Sejko triumfuan në natën finale të Festivalit 51 në RTSh. Ata fituan të drejtën ta prezantojnë Shqipërinë në Festivalin e ardhshëm Europian që zhvillohet në Malmo të Suedisë pranverën e ardhshme. “Duam t’i shprehim mbarë botës një identitet të përbashkët kombëtar, pa dallim feje e krahine, një identitet unik pa përçarje”, tha dje Lulgjuraj pas marrjes së trofeut.
“Duam të prezantohemi dhe në Eurovizion si një komb i përbashkët, jo si dy apo tre të tillë në një vend të vetëm”, shton më tej Adrian Lulgjuraj i cili e ndan tanimë aktivitetin e tij koncertor midis Malit të Zi dhe Shqipërisë, disa herë konkurrent në festivalet Top Fest. “Identieti” ishte i pari bashkëpunim i Bledar Sejkos dhe Ardian Lulgjuraj me një këngë etno rrok me nota patriotizmi brenda, siç duket edhe nga deklaratat e fryra e tw eksituara tw Lulgjurajt. “Identieti” i Sejko&Lulgjurajt përmban nuanca muzikore nga trevat e ndryshme shqiptare që përcillen nëpërmjet instrumenteve si daullja apo çiftelia. Teksti i këngës është shkruar nga Eda Sejko, bashkëshortja e këngëtarit dhe kitaristit Bledar Sejko.
Gjatë performancës së mbrëmshme Sejko guxoi t’i binte kitarës dhe me dhëmbë për disa minuta, një gjë e pazakontë për skenën tonë. Kjo ishte ajo që Sejko ka pretenduar nga ky festival: një performancë sa më e mirë. “Fillimisht nuk e kisha menduar se do të arrinim deri këtu, por gjatë provave situatat vinin duke u pjekur. I gjithë mesazhi i kësaj kënge është bashkimi i të gjitha trevave shqiptare”, thotë Sejko.
Shtatë anëtarët e jurisë duhej të votonin hapur nga 1 deri në 12 pikë. “Identitet” mori nga juria 74 pikë, e ndjekur nga vendi i dytë, ku u klasifikua Anjeza Shahini, një konkurrente e fortë e këtij festivali me këngën “Love” të Edmond Zhulalit, dhe në vendin e tretë, Hersi Matmuja me këngën “Kush ta dha këtë emër”. Flaka Krelani dha gjithashtu një performancë shumë tw mirë.
Në tërësi, nata finale e Festivalit me 17 këngë konkurrente (pas përjashtimit të këngës së Ani Çuedarit) shfaqi një nivel të mirë. Edhe në drejtim të elementeve të spektaklit ku vendin kryesor e zuri homazhi për Festivalin 11. Në skenë u ngjitën Edi Luarasi dhe Bujar Kapexhiu, ish-prezantues të atij festivali të vitit 1972 që u bë burim fatkeqësish për shumë artistë dhe njerëz të kulturës. I ftuar special erdhi tenori Saimir Pirgu i shoqëruar në violinë nga Shkelzen Doli.
“Duam të prezantohemi dhe në Eurovizion si një komb i përbashkët, jo si dy apo tre të tillë në një vend të vetëm”, shton më tej Adrian Lulgjuraj i cili e ndan tanimë aktivitetin e tij koncertor midis Malit të Zi dhe Shqipërisë, disa herë konkurrent në festivalet Top Fest. “Identieti” ishte i pari bashkëpunim i Bledar Sejkos dhe Ardian Lulgjuraj me një këngë etno rrok me nota patriotizmi brenda, siç duket edhe nga deklaratat e fryra e tw eksituara tw Lulgjurajt. “Identieti” i Sejko&Lulgjurajt përmban nuanca muzikore nga trevat e ndryshme shqiptare që përcillen nëpërmjet instrumenteve si daullja apo çiftelia. Teksti i këngës është shkruar nga Eda Sejko, bashkëshortja e këngëtarit dhe kitaristit Bledar Sejko.
Gjatë performancës së mbrëmshme Sejko guxoi t’i binte kitarës dhe me dhëmbë për disa minuta, një gjë e pazakontë për skenën tonë. Kjo ishte ajo që Sejko ka pretenduar nga ky festival: një performancë sa më e mirë. “Fillimisht nuk e kisha menduar se do të arrinim deri këtu, por gjatë provave situatat vinin duke u pjekur. I gjithë mesazhi i kësaj kënge është bashkimi i të gjitha trevave shqiptare”, thotë Sejko.
Shtatë anëtarët e jurisë duhej të votonin hapur nga 1 deri në 12 pikë. “Identitet” mori nga juria 74 pikë, e ndjekur nga vendi i dytë, ku u klasifikua Anjeza Shahini, një konkurrente e fortë e këtij festivali me këngën “Love” të Edmond Zhulalit, dhe në vendin e tretë, Hersi Matmuja me këngën “Kush ta dha këtë emër”. Flaka Krelani dha gjithashtu një performancë shumë tw mirë.
Në tërësi, nata finale e Festivalit me 17 këngë konkurrente (pas përjashtimit të këngës së Ani Çuedarit) shfaqi një nivel të mirë. Edhe në drejtim të elementeve të spektaklit ku vendin kryesor e zuri homazhi për Festivalin 11. Në skenë u ngjitën Edi Luarasi dhe Bujar Kapexhiu, ish-prezantues të atij festivali të vitit 1972 që u bë burim fatkeqësish për shumë artistë dhe njerëz të kulturës. I ftuar special erdhi tenori Saimir Pirgu i shoqëruar në violinë nga Shkelzen Doli.
