Gjermani-Itali është sfida që për numër të madh tifozësh ka pasur pritshmërinë më të madhe në Shqipëri, pas eliminimit të kuqezinjve nga "Euro 2016".
Lena Stifel, e fejuara e Drakselit
Mirëpo, përballja mes dy legjendave të futbollit botëror ka pasur një impakt të jashtëzakonshëm në çdo cep të botës, duke u shoqëruar edhe me ironinë e tifozëve dhe mediave të mbarë globit.
Ajo që nuk u pa në televizor ishin edhe bukuroshet që kishin mbushur shkallët e stadiumit të Bordos, por edhe besëtytnia e trajnerit italian, Antonio Konte, i cili edhe kundër gjermanëve ka ndjekur ritualin e tij, por kësaj radhe pa i sjellë fat.
Xhulia,gruaja e De Shiljos në stadium
Rituali
Trajneri i të kaltërve është besëtytë dhe këtë e konfirmoi edhe një herë tjetër në ditën e djeshme. Ajo që ra në sy ishte targa gjermane në autobusin që shoqëroi dje Italinë për në stadiumin e Belgjikës. Rastësi?
Aspak, ishte gjithçka e përgatitur, pasi edhe në ndeshjen e parë të Europianit autobusi i italianëve mbante targë belge. Por, kësaj radhe besëtytnia nuk i solli fat trajnerit të ardhshëm të Çelsit, i cili u eliminua nga Gjermania pas "shortit" të penalltive.
Atmosfera
Sfida e djeshme nuk ka kaluar pa u reflektuar edhe në biznesin e shitëseve të fruta-perimeve. Në qytetin gjerman të Frankfurtit, tregtarët e fruta-perimeve i kishin ngjyrosur produktet e tyre me flamurin kombëtar të të dy vendeve.
Ndërsa elektrizuese ka qenë atmosfera në qytetet gjermane dhe ato italiane, ku tifozët dhanë një spektakël të jashtëzakonshëm në "fan zone"-t.
Bukuroshet
Nëse e gjithë vëmendja ishte e përqendruar në fushë, një pamje të bukur dhuruan edhe tribunat, teksa të dashurat e futbollistëve tërhoqën vëmendjen e sportdashësve.
"Mbretëresha" e tribunës ishte pa dyshim Viki Varga, e fejuara e sulmuesit të Italisë, Graciano Pele, së cilës tashmë i duhet të ngushëllojë bomberin "axurr" pas penalltisë së humbur.
Përgatiti: LEAR MAÇI
