Nje plumb godet dritaren e Shtepise se Bardhe

Shtëpia e Bardhë është ndërtesa qeveritare që duhet të ketë sigurinë më të lartë në botë e megjithatë, dy plumba janë gjetur sot nga forcat e sigurisë. Njëri ka goditur një xham të blinduar te shtëpisë ndërsa tjeri është gjetur në oborr. Sipas agjencisë së lajmeve BBC, njëri nga plumbat ka thyer xhamin e një dritareje. Ndërkohë që është shpallur në kërkim Oskar Ramiro i cili dyshohet të jetë dhe autori i të shtënave. Burime nga shërbimet sekrete bënë të ditur se një javë më parë ishin dëgjuar disa të shtëna mes “Shtëpisë së Bardhë” dhe “Monumentit të Uashingtonit”. Por që plumbat të kishin hyrë brenda ndërtesës ishte e paimagjinueshme. Ky rast ka vënë në alarm të gjithë sigurinë e Shtëpisë së Obamës.