Të shumtë janë ata shqiptarë që janë rritur dhe vazhdojnë të rriten duke lexuar veprat e Gabriel Garcia Marquez. Përveç admirimit nga larg shkrimtari i madh nuk ka marrë asnjë kacidhe të vetme nga Shqipëria për kryeveprat e tij. Vepra e tij u vodh si kurrë ndonjë autori tjeter i huaj.
Shkrimtarja e njohur shqiptare Flutura Açka tregon episodin kur agjenti i shkrimtarit kishte mbërritur në Shqipëri kishte parë veprat pirate të botuara të Marquez, kishte vënë duart në kokë, dhe pasi mori një hartë të Europës mbuloi më bojë hapësirën juglindje të Adriatikut, dhe tha: “Not-Human-Land”, raporton “Ora News”.
“Por ne ekzistojmë, edhe ashtu duke vjedhur, duke u ngushelluar që së paku e lexuam nga një mjeshter si Robert Shvarc “100 vjet vetmi”, duke shpresuar se autori na dërgon faljen e tij nga parajsa”, shkruan Açka në postimin e tij në Facebook, ku shpreh revoltën por dhe indinjatën për këtë situatë në Shqipëri, ku nuk respektohet e drejta e autorit.
