Një video e publikuar dje nga trajneri i kombëtares sonë, Xhani De Biazi ka marrë brenda pak orësh qindra mijëra klikime.
Në një material prej 3 minutash e cila fillon me fjalët "kështu na kanë trajtuar" sjell momentet më të vështira të historisë së Shqipërisë, që nga shpallja e Pavarësisë së në 1912 deri në pavarësinë e Kosovës.
Aty përfshihen edhe largimet e shqiptarëve në 1991 drejt Italisë, mbytja e anijes në Otranto në 1997, trazirat e atij marsi dhe lufta e UÇK në Kosovë. Në fund vijnë edhe momentet më të mira për shqiptarët, fitorja historike e 2004 me Greqinë e saposhpallur kampione Europe dhe kualifikimi i Shqipërisë për në kampionatin Europian.
"Falë jush Europa na shikon të barabartë", janë fjalët që mbyllin videon.
