Papunësia nuk duket aq problem serioz në statistikat zyrtare sa e perceptojnë politika dhe shoqëria. Ndërsa Europa dhe rajoni po vuajnë rritjen e papunësisë të krijuar nga kriza ekonomike në Shqipëri, treguesi ka shënuar ulje gjatë saj. Instituti i Statistikës ka publikuar ecurinë e punësimit për tremujorin e parë dhe ka vërejtur se, norma e papunësisë në vendin është 12.8 për qind, në krahasim me 13.8 për qind që ishte ky tregues në fillim të vitit 2011. Me këtë nivel, Shqipëria dhe Turqia paraqiten vendet me numrin më të ulët të të papunëve në krahasim me rajonin që llogaritet deri në 30 për qind në disa vende.
Punësimi, çështje shifrash
Ndërkohë që rritja ekonomike e vendit ka ardhur në rënie, punësimi ka ardhur në rritje. Ky është një paradoks që realisht, por as teorikisht, nuk mund të ndodhë. Por Banka e Shqipërisë e ka dhënë një shpjegim. Treguesit e tregut të punës për vitet 2010 – 2012 janë rishikuar pas publikimit të Anketës së Forcës së Punës dhe Censusit të vitit 2011, duke sjellë ndryshime metodologjike në statistikat e punësimit në sektorin privat bujqësor dhe të normës së papunësisë. Të dhënat më të fundit nga bilanci i forcave të punës tregojnë se punësimi në ekonomi ka shënuar rritje, ndërsa numri i të papunëve dhe norma e papunësisë kanë ardhur në rënie. Kjo e fundit qëndroi në nivelin 12.8% në fund të vitit të kaluar. Punësimi në sektorin privat jobujqësor ka ndikuar pozitivisht në rritjen e punësimit në ekonomi, duke kompensuar rënien e punësimit në sektorin shtetëror. Sipas të dhënave të INSTAT-it, në tremujorin e parë të këtij viti numri total i të punësuarve ishte 967 mijë, tre mijë më shumë krahasuar me fundin e vitit 2012.
Sektorët
Banka e Shqipërisë, bazuar në statistikat afatshkurtra, ka analizuar shpërndarjen sektoriale të punësimit në ekonomi. Indeksi i punësimit në sektorët e shërbimeve u zgjerua ndjeshëm, me 15.9% vit mbas viti. Ndër sektorët prodhues, numri i të punësuarve u tkurr me 3.8%. Me një tkurrje vjetore prej rreth 11.0%, ndërtimi pati rënien më të thellë në punësim ndër sektorët prodhues. Ndërkohë, punësimi në sektorin e tregtisë regjistroi rritjen më të lartë ndër sektorët e shërbimeve, me 19.9%, në krahasim me një vit më parë. Megjithatë, kjo rritje u shoqërua me rënie të ndjeshme të pagës mesatare.
Në tremujorin e parë të vitit 2013, bizneset shprehen më pak pesimistë në vlerësimin e tyre mbi situatën e punësimit në ekonomi gjatë kësaj periudhe. Banka Botërore sheh si një nga pikat më të forta të daljes nga kriza rritjen e punësimit në vendet e Ballkanit. Pasi në këto vende edhe para krizës problemi i papunësisë ka qenë i madh. Banka Botërore sugjeron se krijimi më i shpejtë i vendeve të punës do të kërkojë ndryshime në kontratën sociale ndërmjet punëtorëve, ndërmarrjeve dhe qeverive. Axhenda e politikave duhet të përqendrohet në heqjen e pengesave ndaj sipërmarrjes, duke ndihmuar sistemet e arsimit dhe trajnimit të përshtaten më mirë me tregjet e punës, rekomandon BB.
Ekonomia e vendit është frenuar, punësimi ka ardhur në rritje. Ky është një paradoks që realisht, por as teorikisht, nuk mund të ndodhë. Por Banka e Shqipërisë e ka dhënë një shpjegim. Sipas saj, treguesit e tregut të punës për vitet 2010–2012 janë rishikuar pas publikimit të censusit të vitit 2011, duke sjellë ndryshime metodologjike në statistikat e punësimit
Punësimi, çështje shifrash
Ndërkohë që rritja ekonomike e vendit ka ardhur në rënie, punësimi ka ardhur në rritje. Ky është një paradoks që realisht, por as teorikisht, nuk mund të ndodhë. Por Banka e Shqipërisë e ka dhënë një shpjegim. Treguesit e tregut të punës për vitet 2010 – 2012 janë rishikuar pas publikimit të Anketës së Forcës së Punës dhe Censusit të vitit 2011, duke sjellë ndryshime metodologjike në statistikat e punësimit në sektorin privat bujqësor dhe të normës së papunësisë. Të dhënat më të fundit nga bilanci i forcave të punës tregojnë se punësimi në ekonomi ka shënuar rritje, ndërsa numri i të papunëve dhe norma e papunësisë kanë ardhur në rënie. Kjo e fundit qëndroi në nivelin 12.8% në fund të vitit të kaluar. Punësimi në sektorin privat jobujqësor ka ndikuar pozitivisht në rritjen e punësimit në ekonomi, duke kompensuar rënien e punësimit në sektorin shtetëror. Sipas të dhënave të INSTAT-it, në tremujorin e parë të këtij viti numri total i të punësuarve ishte 967 mijë, tre mijë më shumë krahasuar me fundin e vitit 2012.
Sektorët
Banka e Shqipërisë, bazuar në statistikat afatshkurtra, ka analizuar shpërndarjen sektoriale të punësimit në ekonomi. Indeksi i punësimit në sektorët e shërbimeve u zgjerua ndjeshëm, me 15.9% vit mbas viti. Ndër sektorët prodhues, numri i të punësuarve u tkurr me 3.8%. Me një tkurrje vjetore prej rreth 11.0%, ndërtimi pati rënien më të thellë në punësim ndër sektorët prodhues. Ndërkohë, punësimi në sektorin e tregtisë regjistroi rritjen më të lartë ndër sektorët e shërbimeve, me 19.9%, në krahasim me një vit më parë. Megjithatë, kjo rritje u shoqërua me rënie të ndjeshme të pagës mesatare.
Në tremujorin e parë të vitit 2013, bizneset shprehen më pak pesimistë në vlerësimin e tyre mbi situatën e punësimit në ekonomi gjatë kësaj periudhe. Banka Botërore sheh si një nga pikat më të forta të daljes nga kriza rritjen e punësimit në vendet e Ballkanit. Pasi në këto vende edhe para krizës problemi i papunësisë ka qenë i madh. Banka Botërore sugjeron se krijimi më i shpejtë i vendeve të punës do të kërkojë ndryshime në kontratën sociale ndërmjet punëtorëve, ndërmarrjeve dhe qeverive. Axhenda e politikave duhet të përqendrohet në heqjen e pengesave ndaj sipërmarrjes, duke ndihmuar sistemet e arsimit dhe trajnimit të përshtaten më mirë me tregjet e punës, rekomandon BB.
Ekonomia e vendit është frenuar, punësimi ka ardhur në rritje. Ky është një paradoks që realisht, por as teorikisht, nuk mund të ndodhë. Por Banka e Shqipërisë e ka dhënë një shpjegim. Sipas saj, treguesit e tregut të punës për vitet 2010–2012 janë rishikuar pas publikimit të censusit të vitit 2011, duke sjellë ndryshime metodologjike në statistikat e punësimit
