Kuotave të studimeve me kohë të pjesshme në universitetet publike shqiptare do t‘u shtohen edhe rreth 500 vende të tjera. Propozimet tashmë janë dërguar në Ministrinë e Arsimit dhe pritet që kjo e fundit të bëjë gati vendimin që do dorëzohet në Këshillin e Ministrave. Sipas burimeve nga MASH, në krye të listës qëndron Universiteti i Tiranës. “Propozimet na kanë ardhur dhe po përgatitet vendimi. Për të gjitha universitetet që ofrojnë këtë cikël studimesh, do të ketë me përafërsi 500 vende të reja. Kriteret e pranimit do të jenë po ato, gjithashtu edhe shpërndarja sipas formulës të përcaktuar”, thanë burime pranë MASH.
Sipas tyre, brenda pak ditëve do të jetë gati vendimi. Edhe këtë vit të pakënaqur nga numri i kuotave kanë qenë ata që aplikojnë për një program të dytë studimi. Këtyre kandidatëve u është lënë deri 20 për qind e numrit total të pranimeve. Ndërkohë që kërkesat për të vazhduar një fakultet të dytë me kohë të pjesshme janë tepër të larta. “Kuota e çdo programi studimi do të ndahet në raportin 4:1, përkatësisht 80% e kuotës jepet për pranimet e reja për programe studimi të ciklit të parë, me kohë të pjesshme, dhe 20% për pranimet e reja për programe të dyta studimi”, përcakton vendimi i qeverisë.
Kjo do të thotë se për çdo fakultet pjesa më e madhe e kuotave do t’u takojë atyre kandidatëve që nisin për herë të parë studimet e larta. Aplikantët që dëshirojnë të ndjekin studimet me kohë të pjesshme në një program të dytë studimi, brenda kuotës së përcaktuar, e fitojnë këtë të drejtë sipas kritereve të përcaktuara nga vetë institucionet publike të arsimit të lartë. Mesatarja e shkollës së mesme do të jetë një ndër kriteret kryesore që komisionet e përzgjedhjes do të marrin parasysh në përcaktimin e kandidatëve fitues.
“Ky rregull do të jetë i vlefshëm për të gjithë aplikantët që do të konkurrojnë për studimet e pjesshme, qoftë si program i parë studimi apo i dytë”, sqarojnë specialistët e MASH. Për rrjedhojë, kandidatët që nuk kanë një notë të mirë mesatare, do ta kenë tejet të vështirë të ndjekin studimet e pjesshme këtë vit. Bazuar në kriterin e mesatares dhe saktësisë së dokumenteve të paraqitura, fakultetet do të përcaktojnë emrat e fituesve në rend zbritës, sipas notës mesatare, deri në plotësimin e kuotës së përcaktuar.
Sipas tyre, brenda pak ditëve do të jetë gati vendimi. Edhe këtë vit të pakënaqur nga numri i kuotave kanë qenë ata që aplikojnë për një program të dytë studimi. Këtyre kandidatëve u është lënë deri 20 për qind e numrit total të pranimeve. Ndërkohë që kërkesat për të vazhduar një fakultet të dytë me kohë të pjesshme janë tepër të larta. “Kuota e çdo programi studimi do të ndahet në raportin 4:1, përkatësisht 80% e kuotës jepet për pranimet e reja për programe studimi të ciklit të parë, me kohë të pjesshme, dhe 20% për pranimet e reja për programe të dyta studimi”, përcakton vendimi i qeverisë.
Kjo do të thotë se për çdo fakultet pjesa më e madhe e kuotave do t’u takojë atyre kandidatëve që nisin për herë të parë studimet e larta. Aplikantët që dëshirojnë të ndjekin studimet me kohë të pjesshme në një program të dytë studimi, brenda kuotës së përcaktuar, e fitojnë këtë të drejtë sipas kritereve të përcaktuara nga vetë institucionet publike të arsimit të lartë. Mesatarja e shkollës së mesme do të jetë një ndër kriteret kryesore që komisionet e përzgjedhjes do të marrin parasysh në përcaktimin e kandidatëve fitues.
“Ky rregull do të jetë i vlefshëm për të gjithë aplikantët që do të konkurrojnë për studimet e pjesshme, qoftë si program i parë studimi apo i dytë”, sqarojnë specialistët e MASH. Për rrjedhojë, kandidatët që nuk kanë një notë të mirë mesatare, do ta kenë tejet të vështirë të ndjekin studimet e pjesshme këtë vit. Bazuar në kriterin e mesatares dhe saktësisë së dokumenteve të paraqitura, fakultetet do të përcaktojnë emrat e fituesve në rend zbritës, sipas notës mesatare, deri në plotësimin e kuotës së përcaktuar.
