Partneret s’duhen ne te njejtin vend pune u demtohet lidhja

Më mirë të kaloni 24 orë me partnerin tuaj pa bërë asgjë, sesa të rrini qoftë edhe 1 orë të vetme bashkë në të njëjtin vend pune. Do të arrinit deri tek ndarja ... Kështu pohon një studim i fundit i Universitetit të Bedfordshires, sipas të cilit, nëse partnerët bëjnë të njëjtën punë dhe sidomos, nëse punojnë në të njëjtën zyrë, e dobësojnë dukshëm raportin mes tyre. Kjo pasi, sipas profesor Gail Kinman, që udhëhoqi këtë studim, një gjë e tillë prish në fakt ekuilibrin mes jetës private dhe profesionale. Sipas Kinman, nëse dy partnerët ndajnë të njëtin vend pune apo të njëjtin projekt, edhe në mjedisin e tyre në shtëpi do të flisnin veç për të, duke i marrë kështu kohë jetës së tyre intime. Kjo e pengon çiftin për të vënë në distancën e duhur nga puna e kësisoj për t'u çlodhur dhe shëruar prej saj.