Per ata qe punojne naten

Astrit Lulushi, Zëri i Amerikës

Një studim i ri mund të jetë paralajmërim i hershëm për ata që punojnë në orët e vona.

Dihet prej kohësh që puna natën dhe në turne të parregullta prish ritmet natyrore të trupit.

Mjekët prej kohësh e kanë lidhur punën natën me një rrezik më të madh për;

- Presion të lartë gjaku

- Kolesterol të lartë (dhe)

- Diabet

Tani, një studim në revistën mjekësore britanike e shton këtë listë.

Shkencëtarët shqyrtuan të dhënat e mbledhura nga më shumë se dy milionë njerëz dhe zbuluan se puna me turne lidhej me sëmundje vaskulare përfshi goditje në zemër dhe në tru.

Puna në ndërresën e natës shoqërohej me rritjen 40 për qind të rrezikut për të gjitha zhvillimet koronare duke përfshirë;

- Goditje në zemër

- Vdekje nga një goditje në zemër (dhe)

- Shtrim në spital për sëmundje të zemrës

Në përgjithësi, puna me turne u shoqërua me;

- 23 për qind rritje të rrezikun nga sulmi në zemër (dhe)

- 5 për qind rritje të rrezikut për goditje në tru

Autorët e studimit thonë se personat që punojnë natën duhet të tregohen të kujdesshëm për të pakësuar a modifikuar faktorë të tjerë të rrezikut siç janë pirja e duhanit dhe presioni i lartë i gjakut.