Kategoria Superiore është futur në fazën e saj më interesante. Sektori i garave në FSHF ka publikuar sot kalendarin për javën e 31-të. Kjo javë nis me takimin Tërbuni-Teuta që luhet të shtunën ora 16:00.
Po në këtë orar luhen edhe dy sfidat e së dielës, Vllaznia - Flamurtari në fushën sportive "Reshit Rusi" dhe Bylisi - Laçi në stadiumin "Adush Muçaj".
Të hënën luhen dy kryesfidat e kësaj jave për titull dhe një vend në Kupat e Europës. Kukësi pret në orën 16:00 Partizanin në stadiumin "Zeqir Ymeri", ndërsa tri orë më vonë, në orën 19:00, luhet përballja Tirana - Skënderbeu për të përmbyllur javën e 31-të të Kategorisë Superiore.
Kategoria Superiore, Java e 31-të
E shtunë
Tërbuni - Teuta 16:00
E diel
Vllaznia - Flamurtari 16:00
Bylisi - Laçi 16:00
E Hënë
Kukësi - Partizani 16:00
Tirana - Skënderbeu 19:00
