- Ambasadori i Shqipërisë në Maqedoni, Fatos Reka viziton zonat e përmbytura -
TIRANË, 5 Gusht/ATSH/.- Ambasadori i Republikës së Shqipërisë në Maqedoni, Fatos Reka vizitoi zonat e goditura nga përmbytjet që shkaktuan pasoja të rënda në jetë njerëzish dhe dëme materiale në Komunën e Tetovës.
Ambasadori Reka shprehu ngushëllimet e sinqerta për familjarët e atyre që humbën jetën nga kjo ngjarje si dhe zhvilloi një takim me kryetaren e komunës znj. Teuta Arifi, të cilës i shprehu përkrahjen e Qeverisë shqiptare për eliminimin sa më parë të pasojave te krijuara, si dhe i përcolli interesimin e posaçëm të Kryeministrit Rama në përballimin e situatës.
Kryetarja e Komunës znj Arifi falënderoi për interesimin e mbështetjen e Qeverisë shqiptare në këto ditë të vështira për banorët e komunës dhe theksoi se përkrahja e pakursyer në të gjitha përmasat që Qeveria shqiptare dhe personalisht kryeministri Rama i kanë dhënë asaj në këto ditë, është më të vërtetë inkurajuese për ta./m.m/
