Polemika per librin qe shkakton anoreksine

Një vajzë e vogël mbipeshë tenton të provojë një fustan tre masa të vogël se sa trupi i saj dhe në pasqyrë reflektohet një imazh më i dobët se sa është në realitet. Ka sjellë diskutime, që prej kopertinës, libri për fëmijë 'Maggie Goes On A Diet', i destinuar për mosha nga 6 vjec e sipër, që pritet të dalë në tetor në Shtetet e Bashkuara të Amerikës. Maggie, një adoleshente, personazh kryesor i librit, e cila është mbipeshë, bëhet një yll i futbollit të shkollës, pas rënies drastike në peshë.

Mesazhi

I shkruar nga Paul Kramer, i cili heton në Hawaii dhe është autor i botimeve të tjera për fëmijë dhe të rinj, libri ka si qëllim që të luftojë obezitetin te fëmijët që ka goditur SHBA-të. Në vend regjistrohet një rritje prej 119 përqind e fëmijëve obezë, nga viti 1999 deri në 2006. Por sipas ekspertëve mesazhi, që merret nga libri është krejt tjetër, sepse i shtyn fëmijët që të mbajnë dieta drastike dhe të kalojnë në anoreksi.

"Eshtë evident shqetësimi për peshën mbi normë të fëmijëve. Tani duhet të kujdesemi që ata të mos reduktojnë ushqimin, por të hanë ushqime të shëndetshme dhe të duhura për moshën e tyre", thotë Susan Ringëood, nga fondacioni 'Beating Eating Disorders' për të përditshmen angleze 'The Independent'.

Por prindërit thonë se libri është një mënyrë për të cregulluar mënyrën e ushqimit te fëmijët, ndaj të lexuarit e këtij krijimi prej fëmijëve, është thjesht abuzim ndaj tyre.