Antonio Konte nuk e fsheh aspak ambicien që ka. Trajneri i Çelsit ka deklaruar se synon që futbollistët e tij t'i bëjë më të mirët në botë, edhe pse pakkush mendon se klubi anglez ka lojtarë të tillë në përbërje.
"Unë mendoj se Çelsi ka lojtarë që mund të bëhen futbollistë të nivelit më të lartë. Mendoj se këta lojtarë mund të përmirësohen me shumë punë. Pasi ne tani kemi lojtarë fantastikë, me shumë talent, por e gjithë bota mendon se ata nuk janë në një nivel me Mesin, Luis Suarez, Neimar, Kristiano Ronaldo apo Pol Pogba.
Por unë mendoj se në radhët e skuadrës tonë ka lojtarë të cilët me punë mund të përmirësohen dhe të arrijnë në këtë nivel. Unë jam i sigurt për këtë. Është e rëndësishme që edhe lojtarët ta kuptojnë këtë. Mentaliteti është i rëndësishëm", tha Konte para gazetarëve.
Mediat angleze e kanë interpretuar këtë si një mesazh direkt për Eden Hazard, lojtarin e vetëm me aftësi teknike për të synuar që t'i afrohet emrave si Mesi e Ronaldo.
