Futbollistët shqiptarë Herdi Prenga, Eros Grezda dhe Endri Çekiçi janë protagonistët kryesorë të Lokomotivit të Zagrebit në këtë fillim sezoni.
Ata kanë treguar vlerën e tyre në turin e parë të Ligës së Europës të klubit kroat ndaj Santa Koloma të Andorrës, duke ndihmuar skuadrën të kalojë pa shqetësime në turin tjetër.
Pas sfidës së parë të fituar me shifrat 3-1, ku Herdi Prenga realizoi golin e tretë të ndeshjes, shqiptarët ishin protagonistë kryesorë edhe në ndeshjen e luajtur sot, të mbyllur me suksesin e thellë 4-1 të Lokomotiv.
Eros Grezda dha asistet për golin e parë dhe të tretë, të realizuar nga Çoriç dhe Mariç, duke u konfirmuar në një formë të shlkëqyer. Ndërkaq, Prenga shkroi përsëri emrin e tij në listen e golashënuesve duke realizuar golin e dytë në minutën e 18 falë një penalltie.
Të tre futbollistët shqiptarë janë kontingjent i Kombëtares U-21 dhe shpeshherë janë përmendur si lojtarë të cilët po shihen me mjaft vëmendje nga trajneri De Biazi dhe stafi i tij, për t'iu bashkuar në të ardhmen edhe Kombëtares A.
