Është i padiskutueshëm në formacionin titullar të Napolit, mirë- po tashmë ka edhe impenjime të tjera jashtë fushës së lojës.
Nuk duhet të jetë vetëm një profesionist për Napolin, që rivalizoi deri në javët e fundit për titullin me Juventusin, por tashmë duhet të preokupohet edhe për familjen e tij që do të zgjerohet së shpejti.
Elseid Hysaj dhe bashkëshortja e tij janë fotografuar në një dyqan me veshje për fëmijë. Në foto shikohet edhe bashkëshortja e futbollistit të Kombëtares që është në muajt e fundit të shtatzënisë dhe çifti është duke menduar edhe detajet e pritjes së fëmijës që do t'u vijë në jetë.
Napoli e Hysaj do të përballen nesër me Romën, një ndeshje e vlefshme për vendin e dytë, pasi skuadra kryeqytetase është duke kërcënuar napolitanët për postin e skuadrës ndjekëse të Juventusit.
