Problemet kanë nisur që pas ditës së parë të kombëtares Zvicerane në Francë. Dy gazetarë janë shpallur tashmë " te padëshirueshëm" në Zyvinjak, pasi kishin tentuar të hynin pa autorizim në hotelin ku qëndronin zviceranët.
Gazetarët kanë deklaruar se janë larguar nën presionin e ushtrimit të dhunës nga ana e policisë, ndërsa zëdhënësi i federatës Zvicerane të futbollit e ka mohuar që të kenë bërë një kërkesë për shoqërimin e gazetarëve me dhunë jashtë kompleksit.
Trajneri Vladimir Petkovic e ka kufizuar praninë e medias në seancat stërvitore duke mos rrezikuar që t'i rrjedhë asnjë prej "sekreteve" të helvetikëve.
